प्रदेश टुडे
तुलसीपुर, ९ असोज । तुलसीपुर–१२ टरिगाउँमा आज शनिबारदेखि खुला प्रतियोगिता २०७८ सुरू हुन लागेको छ । टरिगाउँ युवा क्लवको आयोजनामा जिल्लाकै सबैभन्दा बढी पुस्कार राशी भएको प्रतियोगिता सञ्चालन हुन लागेको हो । उद्घाटन खेलमा टरिगाउँ युवा क्लव र रोयल बिजौरीबीच प्रतिपर्धा हुनेछ ।
स्थानीयस्तरमा फुटबल खेलको पहुँच अभिवृद्धि गर्ने र खेलाडीको पहिचान विकासमा टेवा पु¥याउने उद्देश्यका साथ आयोजना गरिएको हो । प्रतियोगितामा जिल्लाका १३ टिमको सहभागिता रहेको आयोजक क्लवका अध्यक्ष कबिन रजौरेले जानकारी दिए । कोरोनाका कारण ठप्प भएको खेल क्षेत्रलाई चलायमान बनाउनका लागि स्वास्थ्य सुरक्षा मापदण्डसहित उक्त प्रतियोगिताको आयोजना गरिएको उनले बताए ।
प्रतियोगितामा प्रथम स्थान प्राप्त गर्ने समूहलाई नगद १ लाख १५ हजार, ट्रफि, मेडल तथा प्रमाणपत्र प्रदान गरिनेछ भने द्वितीय हुनेलाई नगद ५० हजार, मेडल तथा प्रमाणपत्र र तृतीय स्थान प्राप्त गर्ने समूहलाई नगद २० हजार प्रमाणपत्र र मेडल प्रदान गरिने भएको छ ।
यसैगरी ब्यक्तिगत विधातर्फ प्रतियोगिता अवधिभर उत्कृष्ट खेल प्रदर्शन गर्ने उत्कृष्ट खेलाडी, उत्कृष्ट गोलरक्षक र सर्वाधिक गोलकर्तालाई जनही ७ हजार ५ सय नगद पुरस्कारले पुस्कृत गरिनेछ ।
