प्रदेश टुडे
रूकुम (पूर्व), २३ बैशाख ।
कोरोनाका कारण कार्यस्थलबाट घर फर्किएका रूकुम पूर्वका मजदुरहरू क्वारेन्टाइनमै विभिन्न सामग्रीहरू बनाएर समय बिताउँदै छन् । भूमे गाउँपालिकामा बनाइएको क्वारेन्टाइनमा कार्यस्थलबाट फर्किएकाहरूले विभिन्न सामग्रीहरू बनाउने काम गरिरहेका छन् ।
भूमे गाउँपालिका–१ स्थित सिद्धचौर मावि लुकुममा बनाइएको क्वारेन्टाइनमा बसेका पुरूषहरूले डोको, मान्द्रो र महिलाले उनबाट टोपी तथा स्वीटर बुन्ने गरेको छन् । विभिन्न जिल्लामा अलपत्र परेका मजदुर र विद्यार्थीलाई गाउँपालिकाले उद्धार गरेर स्कूलमा राखेको छ ।
उनीहरूले घरपरिवारसँग डोको, मान्द्रो, फिटुवा बुन्नको लागि बाँस तथा उन र स्वीटर, काम्लो बुन्नको लागि आवश्यक सामग्री मागेर काम गर्दै आएका छन् । क्वारेण्टीनमा यस्तो व्यवस्था भएपछि आफूहरूलाई दिन बिताउन सजिलो भइरहेको उनीहरूले भनाई छ ।
