काठ तस्कर प्रहरीको नियन्त्रणमा

देउखुरी, १६ माघ । देउखुरीमा सालको काठसहित एकजना काठ तस्कर पक्राउ परेका छन् । डिभिजन वन कार्यालय देउखुरीले मंगलबार बेलुकी ५ बजे बगार बाबा फर्निचर उद्योगका सञ्चालक विरबहादुर चौधरीलाई पक्राउ गरेको हो ।
बारीमा लुकाएर राखिएको अवस्थामा डिभिजन वन कार्यालय देउखुरी र सव डिभिजन वन कार्यालय सतवरियाको संयुक्त गस्तीमा खटिएको टोलीले चार क्युफिट सालको काठसहित उनलाई पक्राउ गरेको हो ।
काठ तस्करलाई वडा प्रहरी कार्यालय लमहीले नियन्यत्रणमा लिएको वडा प्रहरी कार्यालय लमहीका प्रहरी निरिक्षक प्रज्वल थपलियाले जानकारी दिए ।