घोराही, ९ पुस । सामुदायिक वन उपभोक्ता महासंघ दाङले सामुदायिक वन समूहमाथि सरकारले लगाएको तेहेरो करको विरोध गरेको छ । वन महासंघ दाङको मंगलबार घोराहीमा बसेको बैठकले सामुदायिक वनको अवधारणाको विरूद्ध सरकारले तहेरो कर ल्याएको निष्कर्षसहित विरोध गरेको हो ।
वन महासंघका अध्यक्ष भूपेन्द्र सुवेदीको अध्यक्षतामा भएको बैठकले सरकारले ल्याएको तेहेरो कर फिर्ता नभएसम्म सशक्तरूपमा आन्दोलन गर्ने निर्णय गरेको हो ।