तुलसीपुर,४ फागुन ।
दाङको तुलसीपुरमा जारी स्वर्र्गीय राज कुमार स्मृति टि(२० क्रीकेट अन्तर विद्यालय प्रतियोगिताको फाइनलमा गोरखा मावि तुलसीपुर र डिभाईन टेम्पल एकाडेमी तुलसीपुर पुगेका छन ।
रोटरी क्लब अफ तुलसीपुर सिटि र रोट्रयाक्ट क्लब अफ तुलसीपुरको सयुक्त आयोजनामा संचालित प्रतियोगिताको फाईनल खेल दुइ विद्यालय बीच शनिबार बिहान ८ बजे अरनिको मैदानमा हुने छ । बिद्यालय स्तरमा क्रीकेट खेलको पहुँच अभिवृद्धि गर्ने उदेश्यका साथ आयोजना गरिएको प्रतियोगिताको शुक्रबार सम्पन्न सेमिफाइनल खेलमा अमर बोर्डिङ स्कुल कालाखोला लाई ६ रनले पराजित गर्दै गोरखा मावि तुलसीपुरले फाईनल यात्रा तय गरेको थियो । त्यस्तै पब्लिक ज्ञानज्योति मावि तुलसीपुरलाई सेमिफाइनलमा ८ विकेटको फराकिलो अन्तरले पराजित गर्दै डिभाईन टेम्पल एकाडेमी फाइनलमा प्रवेस गरेको हो ।