Wednesday, May 15, 2024
Homeमुख्य खबरसमयसीमा तोकेर काम गर्न निर्देशन

समयसीमा तोकेर काम गर्न निर्देशन

- Advertisement -spot_img


देउखुरी, २१ असोज ।
लुम्बिनी प्रदेशका स्वास्थ्य मन्त्री राजु खनालले परिणाम देखिने गरी काम गर्न मन्त्रालयका कर्मचारीलाई निर्देशन दिएका छन् । मन्त्रालयमा भएको कर्मचारीसहितको बैठकमा मन्त्री खनालले जिम्मेवारी बाँडफाँड गरी समयसीमा तोकेर काम गर्न आग्रह गरेका हुन् ।

चालु आर्थिक वर्षदेखि सुरू हुने गरी मन्त्रालयले ल्याएका कार्यक्रम कार्यान्वयनका लागि आवश्यक केही कार्यविधि अझैसम्म नबनेको प्रति असन्तुष्टी व्यक्त गर्दै स्वास्थ्य मन्त्री खनालले सबै कार्यविधि तीन दिनभित्र बनाइसक्न निर्देशन दिए । ‘जिम्मेवारीमा रहेका काम समयमै सम्पन्न गर्नुस्, कुनै पनि काम पेन्डिङमा नराख्नुस्, यहाँ काम गर्ने मन छैन भने भन्नुस् अन्यत्र जाने व्यवस्था म गरिदिन्छु’ स्वास्थ्य मन्त्री खनालले भने ।

जनशक्ति कमीका कारण काम नभएको रेडिमेट जवाफ आफूलाई नचाहिएको भन्दै मन्त्री खनालले कामको प्रगति देखिनका लागि नभई नहुने जनशक्ति व्यवस्थापन छिट्टै गरिने बताए । खाली दरबन्दीमा करारमा जनशक्ति नियुक्त गर्ने बाटो खुलिसकेको भन्दै स्वास्थ्य मन्त्री खनालले खाली रहेका पदमा तत्काल दर्खास्त खोल्न निर्देशन दिए ।

प्रदेशमा रहेका सबै मन्त्रालयमध्ये सबैभन्दा उत्कृष्ट काम गर्ने मन्त्रालयको रूपमा स्वास्थ्य मन्त्रालय बन्नुपर्ने भन्दै मन्त्री खनालले स्वास्थ्य संस्था स्थापना सञ्चालन नविकरण तथा स्तरोन्नतिको प्रक्रिया सुरू गर्न पनि निर्देशन दिए । स्वास्थ्य सचिव डा. जनार्दन पन्थीले जिम्मेवारी अनुसारको काम गर्न कर्मचारीहरूलाई निर्देशन दिए ।

- Advertisement -spot_img
- Advertisement -spot_img
Stay Connected
6,000FansLike
100FollowersFollow
Must Read
- Advertisement -spot_img
Related News
- Advertisement -spot_img

LEAVE A REPLY

Please enter your comment!
Please enter your name here