श्रीराम दहित
भुलेर नगरौं कहिल्यै पनि नारी शक्तिको अपमान
नारी जीवनदाता सबैको सधैं साथमा अनि वरदान
जननी बनेर जन्मदिने धर्मपत्नीको रूपमा सहकार्य अनि सन्तान
जीवनभर स्नेह प्रेम छाया दिने नारी शक्ति हुन् वृक्ष समान
नारी शक्ति अदभूत कोमल निर्मल अनि पुष्प समान
परिस्थिति अनुसार थाम्न सक्ने बम बारूद हतियार कमान
नारी जति शक्तिशाली छिन् त्यति धेरै सहनशील
सुख सुविधा मनोरञ्जन त्याग अनि त्यति नै धेरै सुशील
सनातन संस्कृति नारी शक्ति हुन् परिवार राष्ट्र निर्माता
काली दुर्गा लक्ष्मी सरस्वती स्वरूप हुन् सृष्टिको वरदाता
नारी शक्ति शरीर मात्र होइनन् दुर्गा अनि इन्द्रायणी
कर्ममा उत्कृष्टता संसार सुधार्ने साधुवाद हामी ऋणी
