श्रीराम दहित
जिन्दगी नाटक हो भन्छन् पात्र कलाकार हामी
आवश्यक पर्दा अभिनय गर्छौं प्रयोग हुने हामी
प्रेमिल संसारमा प्रेमगीत जस्तै प्रेम कहानी
अकस्मातको जिन्दगी हुन्छ कर्कलाको झैँ पानी
कसैलाई लाग्छ जिन्दगी यात्रा हो बटुवा हौं हामी
लक्ष्यअनुसार जो जहाँ पुग्छौं सफल असफल हुने हामी
संगीत हो भन्छन् जिन्दगी सरगम बन्नुपर्छ हामी
सुर–तालको सुन्दर संयोजनमा धुन बन्नुपर्छ हामी
जिन्दगी फूल हो भन्छन् सुगन्ध सुन्दर सधैं यसले दिने
कसैले देख्छ धुलो हो जिन्दगी दुर्गन्धित बनाइ दिने
दिन अनि रात झैँ सुखदुःख जिन्दगीको अनुभूति हुन्छ
सफलमा हास्ने कर्मफलअनुसार असफल हुँदा जिन्दगी रून्छ
जिन्दगी के हो त ? रणभूलमा पर्ने पार्ने गर्छौं हामी
जिन्दगी एक चक्रव्युह हो पात्र जस्तै अभिमन्यु हामी
अनौठो लाग्छ शताब्दी बित्यो बुझ्न सकिएन जिन्दगी
ज्ञानी भन्ने गर्छन् सदुपयोग गरौं अवसर हो जिन्दगी
