घोराही, २३ असोज ।
नेपाली कांग्रेस घोराही उपमहानगरपालिका वडा नम्बर ६ ले विजयादशमी तथा शुभ दिपावलीको अवसरमा शुभकामना आदानप्रदान गरेको छ । कांग्रेसका वडा सभापति धनबहादुर पुनको अध्यक्षता एवं क्षेत्रीय सदस्य रेखबहादुर वलीको प्रमुख आतिथ्यता तथा घोराही उपमहानगरपालिका वडा नम्बर ६ का वडा अध्यक्ष रेवबहादुर बुढाथोकीको विशिष्ट आतिथ्यमा कार्यक्रम भएको थियो ।
कार्यक्रममा क्षेत्रीय सदस्य पूर्णबहादुर रोका, वडा नम्बर ६ की महिला सदस्य कुन्ता सेजवाल, सदस्य केशवराज विसी, इकाई सदस्यहरू ठाकुर केसी, हरिहर शर्मा, विष्णुप्रसाद बेल्वासे, रूपन्न चौधरी, क्षेत्रीय प्रतिनिधि गंगाराम चौधरी, निमबहादुर चौधरी, इकाई सचिव सावित्रा वलीलगायतले बोलेका थिए । इकाई उपसभापति यमबहादुर डाँगीको स्वागत मन्तब्यबाट शुरू भएको कार्यक्रमको सहजीकरण इकाई सचिव रामबहादुर वलीले गरेका थिए ।