प्रदेश टुडे
दाङ, १३ साउन । दाङको दंगीशरण गाउँपालिकाले पालिकाभित्रका किसानहरूलाई प्रविधि हस्तान्तरण गरेको छ । किसानहरूलाई कृषिमा आधुनिकीकरण गराउँदै लैजाने उद्देश्यले अनुदानमा प्रविधि हस्तान्तरण गरेको हो । गाउँपालिकाको कृषि शाखाले पालिकाभित्रका सहकारी, कृषि समूह र फर्महरूलाई मिनी पावर टिलर र कुटानी पिसानी मिल (कम्बाइङ मिल) वितरण गरेको छ ।
शाखाले किसानहरूलाई ५० प्रतिशत अनुदानमा वितरण गर्ने कार्यक्रम अनुसार विभिन्न सहकारी र समूहहरूलाई उपलब्ध गराएको शाखाका मानबहादुर डाँगीले जानकारी दिए । किसानहरूलाई कृषि आधुनिकीरकणतर्फ आकर्षित गर्नका लागि शाखाले ५४ वटा कम्बाइङ मिल र २६ वटा पावर टिलर किसानलाई उपलव्ध गराएको उनले बताए उनका अनुसार शाखाले ३५ वटा फर्म, समूह, सहकारी र अन्य किसान गरी ८० जनालाई उक्त प्रविधि हस्तान्तरण गरेको हो ।