- Advertisement -spot_img
Monday, August 2, 2021
Homebreaking-newsबाढीले तालगाउँ डुबानमा, बेलिब्रिज र विद्युत गृह बगायो (भिडियो सहित)

बाढीले तालगाउँ डुबानमा, बेलिब्रिज र विद्युत गृह बगायो (भिडियो सहित)

- Advertisement -spot_img

शान्ता कमली
लमजुङ,१असार ।

निरन्तर वर्षासँगै आएको बाढीले हिमाली जिल्ला मनाङको तालगाउँ डुबानमा परेको छ । नासो गाउँपालिका– १ मा पर्ने तालगाउँ सोमबारदेखिको निरन्तरको वर्षाका कारण आएको बाढीले डुबानमा परेको हो । मर्स्याङ्दीछेउमा रहेको तालगाउँका ६० घरमध्ये ३० घर डुबानमा परिसकेको स्थानीय करसाङ गुरुङले बताए । बाँकी घर पनि जोखिममा छन् । स्थानीय घर छाडेर बाहिर सुरक्षित ठाउँमा बसेकाले मानवीय क्षति नभएको मनाङका प्रमुख जिल्ला अधिकारी विष्णु लामिछानेले बताए ।

उनका अनुसार तालगाउँका स्थानीय अहिले पानी नभएको ठाउँमा बसेका छन् । मर्स्याङ्दी नदीमा पानीको बहाव बढ्दै जाँदा पानी थुनिएर बस्तीमाथि डुबाउँदै आएको स्थानीय मिनराशि गुरुङले बताइन् । उनले भनिन्, ‘खोलामा बाढी आउँछ कि भन्ने डरले रातभर निदाएको छैन ।’

मनाङका प्रहरी प्रमुख डिएसपी सुवास खड्काले उक्त क्षेत्रमा प्रहरी खटिसकेको बताए । तालमा रहेको प्रहरी चौकीको टोली र स्थानीय उक्त क्षेत्रको उद्धारमा लागेका छन् । उनका अनुसार गाउँसँगै विद्यालय र वडा कार्यालय पनि डुबानमा परेको छ । यस्तै सदरमुकाम चामे स्थित तातोपानी कुन्ड नजिकैको बस्तिमा मर्स्याङ्दी नदी पसेपछि उक्त क्षेत्र डुबानमा परेको छ ।

वर्षाका कारण चामेको नयाँबजारनजिकैको घट्टेखोला बढेर बस्तीभित्र बाढी पसेको सशस्त्र प्रहरी बल नेपाल मनाङका प्रमुख डिएसपी होमनाथ पन्थीले बताए । लगातारको वर्षापछि आएको बाढीले मनाङमा विद्युतगृह, बेलिब्रिज र काठेपुल बगाएको डिएसपी पन्थीको भनाइ छ ।

सोमबार साँझदेखि परेको भीषण वर्षाले चामे गाउँपालिका– १, तिमाङ खोलाको बेलिब्रिज बगाएको हो । तिमाङखोलामै रहेको ३२ किलोवाटको स्याल्क्युखोला लघुजलविद्युत् गृह पनि बगाएको छ । त्यस्तै सदरमुकाम चामेमा चारवटा घर बाढीले बगाएर क्षति पुर्‍याएको छ ।

चामेको नयाँबजारका स्थानीयलाई नेपाली सेना, नेपाल प्रहरी र सशस्त्र प्रहरी र स्थानीयले सुरक्षित स्थानमा स्थान्तरण गरिएको चामे गाउँपालिकाका अध्यक्ष लोकेन्द्रबहादुर घलेले बताए ।

श्रोतः नयाँ पत्रिका दैनिक

- Advertisement -spot_img
- Advertisement -spot_img
Stay Connected
6,000FansLike
100FollowersFollow
Must Read
- Advertisement -spot_img
Related News
- Advertisement -spot_img

LEAVE A REPLY

Please enter your comment!
Please enter your name here