तुलसीपुर,१६वैशाख।
तुलसीपुर अटो भिलेज तथा व्यवस्थापन समितिले व्यवसायीहरुसंग भएका अक्सिजनका खाली र भरि सिलिण्डरहरु तुलसीपुर उपमहानगरपालिकालाई उपलव्ध गराएको छ ।
कोभिड संक्रमण बढेसंगै अक्सिजनको अभाव भएपछि मानवीय सेवाका नाताले समितिले व्यवसायीहरुसंग भएका अक्सिजन सिलिण्डरहरु उपमहानगरपालिकालाई हस्तान्तरण गरिएको समितिका अध्यक्ष पदम पोख्रल (जेठुकान्छु) ले बताए ।
केहिदिन अगाडी उपमहानगरपालिकाले बजारमा अक्सिजन सिलिण्डरहरुको अभाव भएकोले खाली सिलिण्डर भए उपलव्ध गराउन अनुरोध गरेको थियो ।
पहिलो चरणमा व्यवसायीहरुसंग भएका १२ वटा सिलिण्डहरु संकलन गरी उपमहानगरलाई हस्तान्तरण गरिएको र आगामी दिनमा अरु सिलिण्डहरु संकलन गरेर उपलव्ध गराउने अध्यक्ष पोख्रेलले जानकारी दिए ।
