प्रदेश टुडे
दाङ, १५ असार । दाङमा ३९ जना संक्रमित कोरोना निको भएका छन् । कोरोना विशेष अस्पताल बेलझुण्डी आइसोलेसनमा भर्ना भएकाहरु कोरोना निको भएपछि डिस्चार्ज भई घर फर्किएका छन् । आइसोलेसनमा भर्ना भएकामध्ये ३३ पुरुष र ६ महिला गरी ३९ जना आइतबार डिस्चार्ज भएका हुन् ।
दुई सातासम्म आइसोलेसन बसेका संक्रमितहरुलाई थप एकसाता घरमै आइसोलेसनमा बस्ने गरी अस्पतालले डिस्चार्ज गरेको गरिएको छ । यो सँगै दाङमा २ सय ३८ जना व्यक्तिहरु आइसोलेसनबाट डिस्चार्ज भइ घर फर्किएका छन् ।