दाङ, १५ जेठ ।
दाङका थप दुईजनाको कोरोना संक्रमण देखिएको छ । बिहीबार राप्ती स्वास्थ्य विज्ञान प्रतिष्ठानमा भएको पिसिआर परिक्षणमा दाङको गढवा गाउँपालका वडा नम्बर १ र २ का दुईजनामा कोरोना पोजेटिभ देखिएको छ ।
२८ र ४१ वर्षिय पुरुषहरु हुन् । पोजेटिभ देखिएका दुबैजना गढवा गाउँपालिकाले सञ्चालन गरेको क्वारेन्टाइनमा बसेको पाइएको छ । यसैगरेर कपिलवस्तुका ९ जनाका कोरोना पोजेटिभ देखिएको छ ।
कपिलवस्तुको विजयनगर गाउँपालिकाका ९ जनामा कोरोना पोजेटिभ देखिएको प्रतिष्ठानले जनाएको छ । उनीहरु सबै रामनरेश माविको क्यारेन्टाइनमा बसेकाहरु रहेका छन् । संक्रमित सबैजना विजयनगर ३, ५, ७ वडाका रहेका छन् ।