- Advertisement -spot_img
Saturday, June 19, 2021
Homeफिचरवन अतिक्रण हटाइयो

वन अतिक्रण हटाइयो

- Advertisement -spot_img

प्रदेश टुडे
दाङ, ६ जेठ । दाङमा अतिक्रमण गरिएको करिब चार हेक्टर वन क्षेत्र फिर्ता गरिएको छ । डिभिजन वन कार्यालय दाङले आफ्नो क्षेत्रमा अतिक्रमण भएको वन अतिक्रमण हटाइ फिर्ता गरेर संरक्षण गरेको छ ।
दाङको तुलसीपुर उपमहानगरपालिका वडा नं. १ मा रहेको जनता सामुदायिक वनमा विगतदेखि अतिक्रमण भएको करिव चार हेक्टर वन क्षेत्रको अतिक्रमण हटाइएको डिभिजन वन कार्यालय दाङका सूचना अधिकारी खिमबहादुर केसीले जानकारी दिए ।
केसीले डिभिजन वन कार्यालय दाङ र सवडिभिजन वन कार्यालय तुलसीपुरबाट सोमबार गएको टोलीले करिब चार हेक्टर जग्गामा भएको अतिक्रमण हटाई उक्त जग्गामा एक हजार रनिङ मिटर काडेतारले तारबार गरी वन क्षेत्रको संरक्षण गरिएको बताए ।
जनता सामुदायिक वनका ३÷४ जना उपभोक्ताहरुले खेतीपाती गर्ने उद्देश्यले उक्त वन क्षेत्र अतिक्रमण गरेर प्रयोग गरेको पाइएपछि टोलीले अतिक्रमित वन क्षेत्र खाली गराएको थियो । उक्त क्षेत्रमा स्थानीयले खेतीपाती शुरु गरिसकेका थिए ।
उक्त वन क्षेत्र कसले अतिक्रमण गरेको ? भन्ने किटानी नभएको तर चार घरधुरी उपभोक्ताहरूको मिलेमतोमा अतिक्रमण भएको भन्ने कुरा प्रारम्भिक अनुसन्धानबाट खुल्न आएकोले उनीहरुको यथाशीघ्र पहिचान गरी सामुदायिक वनको स्वीकृत कार्ययोजना
र विधान बमोजिम घटनामा संलग्नहरूलाई कारवाही गरी डिभिजन वन कार्यालयलाई जानकारी गराउन सवडिभिजन प्रमुख तथा समूहका पदाधिकारीहरूलाई निर्देशन दिईएको डिभिजन वन कार्यालयका डिभिजन वन अधिकृत दिपक ज्ञवालीले बताए ।
दाङमा वन क्षेत्रको अतिक्रमण बढी नै रहेको छ । क्रमिकरुपमा अतिक्रमित वन क्षेत्र खाली गराउँदै जाने योजनासमेत कार्यालय अघि सारेको अधिकृत ज्ञवालीले बताए ।

- Advertisement -spot_img
- Advertisement -spot_img
Stay Connected
2,454FansLike
1,200FollowersFollow
Must Read
- Advertisement -spot_img
Related News
- Advertisement -spot_img

LEAVE A REPLY

Please enter your comment!
Please enter your name here