तुलसीपुर, १९ बैशाख ।
तुलसीपुर बैंकर्स क्लवले रक्तदान गरेको छ । श्रमिक दिवसको अवसर पारेर कोभिड–१९को महामारीको समयमा बिरामीहरुलाई रगतको अभाव देखिएको र रक्तसञ्चार केन्द्रमा समेत रगत अभाव भएपछि क्लवले सदस्यहरुबाट रक्तदान अभियान सञ्चालन गरेको हो ।
तुलसीपुर रक्तसञ्चार केन्द्रमा सहभागी भएर अभाव हटाउन रक्तदान गरिएको क्लवका अध्यक्ष सरोज लामिछानेले बताए । पहिलो चरणमा पदाधिकारी तथा सदस्यहरुले रक्तदान गरेको र आवश्यक परे अरु पनि गरिने उनले बताए ।