इन्द्र बुढाथोकी
सल्यान, ७ बैशाख ।
घाँटीमा मासु अड्किएर सल्यानमा एकजनाको मृत्यु भएको छ । जिल्लाको शारदा नगरपालिका वडा नम्बर १३ निवासी ६९ बर्षिय देवीलाल कामीको घाँटीमा मासु अड्किएर मृत्यु भएको हो ।
शनिबार राति सल्यानचौरस्थित स्थानीय बालाराम कँवरको घरमा धामीझाँक्री गर्न गएका उनको आइतबार बिहान ३ बजे बाख्राको मासु खाने क्रममा घाँटीमा मासु अड्किएको थियो । मासु अड्केपछि उपचारका लागि आइतबार बिहान अस्पताल पु¥याउने बित्तिकै कामीको मृत्यु भएको जिल्ला प्रहरी कार्यालय सल्यानले जनाएको छ ।
कामीको शवलाई पोष्टमार्टमका लागि अस्पतालमा राखिएको प्रहरीको भनाइ छ । गाउँमा धामीझाँक्री गरिसकेपछि बोक्सी भगाउने भन्दै बाख्रा काट्ने र राति नै मासु पकाएर खाने चलन रहेको छ ।