- Advertisement -spot_img
Thursday, June 17, 2021
Homeविचारअभियान सफल पारौं

अभियान सफल पारौं

- Advertisement -spot_img

दाङसहित यही माघ २५ गतेदेखि करिब दुई सातासम्म हात्तीपाइले रोगविरूद्धको औषधि खुवाउन थालिएको छ । नेपालमा हात्तीपाइले रोगीहरूको संख्यालाई शून्यमा झार्नका लागि सरकारले थालेको अभियान दाङमा दशौं पटकमा फेरी सञ्चालन हुन थालेको छ । नवौं पटकसम्म औषधि खुवाउँदा पनि अभियान सफल हुन नसकेपछि दाङमा दशौं पटक औषधि खुवाउन लागिएको छ । हात्तीपाइले रोग समयमा औषधि सेवन गरेमा निको हुने रोग भएपनि औषधि सेवनप्रति नागरिकको धारणा गलत भएका कारण रोगविरूद्धको औषधि सेवन गर्ने अभियानले सार्थक पाउन सकिरहेको छैन् । अभियानलाई सफल बनाउन यसपटक पनि विशेष महत्वका साथ तयारी थालिएको छ । लक्षित वर्ग र उद्देश्यमा पुग्नका लागि स्वास्थ्यकर्मीदेखि जनप्रतिनिधि लगायत गँउ“का बुद्धिजीवि सबैलाई परिचालन गरिने भएको छ ।
औषधि सेवनको अवस्था तथ्यांकमा मात्र भन्दा पनि व्यवहारतः कार्यान्वयन गरी प्रभावकारी बनाउन थालिएको छ । दाङमा बढी जोखिम रहेका ठाउँ घोराही, तुलसीपुर, देउखुरीसहित दशवटै स्थानीय तहका स्वास्थ्य शाखामार्फत औषधि सेवनको अभियान सञ्चालन गरिने भएको हो । अभियानलाई प्रभावकारी बनाउन जनप्रतिनिधिदेखि विभिन्न क्षेत्रका संघ,संगठनसँग समन्वय गरिएको छ । पटक–पटक औषधि खुवाउँदा पनि दाङमा हात्तीपाइले रोग निवारण हुन नसक्नुको कारणहरू के हुन सक्छन् ? के दशौं चरणको अभियानबाट रोग निवारण हुन सक्ला त ? नागरिकस्तरमा हात्तीपाइले रोगविरूद्धको औषधि सेवनबारे सकारात्मक धारणा किन हुन नसकेका होलान् त ? लगायतका विषयमा विभिन्न सरोकारवालासँग प्रदेश टुडेको राउण्ड टेबलमा कुराकानी गरेका छौं ।


गोविन्द प्रसाद रिजाल
प्रमुख जिल्ला अधिकारी
दाङ

सरकारले हात्तीपाइले रोगविरूद्धको औषधि सेवनका लागि अरबौँ लगानी खर्च गरेको छ । नागरिकले हात्तीपाइले विरूद्धको औषधि निःशुल्क पाउने भएका कारण पनि औषधि सेवनमा अझ बढी लापरवाही जस्तो देखिन्छ ।
औषधि सेवनबारे बुझ्ने र बुझाउनेको तालमेल हुन सकेको छैन् । सरकारी कर्मचारी, सुरक्षा निकायका व्यक्तिले पनि औषधि सेवन नगरेको भन्ने बिगतमा खबर आयो, तपाईले भनेको जस्तो कसैले पनि औषधि सेवन नगरेको भन्ने त होइन होला तर केही कर्मचारीले यस्तो गर्नुभयो पनि होला ।
सरकारी कर्मचारीले औषधि सेवन गरेनन् भन्ने कतिसम्म सत्यता हो, यदि त्यसो हो भने त्यो राम्रो होइन् । हामी जिम्मेवार निकायमा बसेका व्यक्तिले त आफूले पनि खाने र अरूलाई पनि औषधि खानुपर्छ भन्ने सल्लाह दिनु राम्रो हुन्छ ।
केही सीमित कर्मचारीले त्यसो गर्नुभयो होला । अहिले त्यस्तो नहोस् भन्नका लागि हामीले सम्बन्धित कार्यालयका प्रमुखहरूसँग पनि छलफल गरेका छौँ, अनिवार्य औषधि सेवन गर्नुहोस् भनेर पनि निर्देशन दिएको छु ।
सबै मिलेर दाङमा अहिले सञ्चालन हुन लागेको हात्तीपाइले रोगविरूद्धको औषधि सेवन अभियानलाई प्रभावकारी बनाउनुपर्छ ।
नागरिकस्तरमा देखिएको गलत धारणालाई बुझेका सबैले बुझाउन आवश्यक छ । हात्तीपाइले रोग निवारण गर्ने सरकारको अभियानलाई नागरिकस्तरबाट साथ जरूरी छ ।
सरकारले निःशुल्क रूपमा औषधि बाँडेको छ भनेर पनि नागरिकले हल्का किसिमले लिन हुँदैन् । स्वास्थ्यकर्मी, महिला स्वास्थ्य स्वयम्सेविका मात्र नभई जनप्रतिनिधिलगायत आम बुद्धिजीवि वर्गले अभियानलाई सफल बनाउन नागरिकस्तरमा सचेतना लैजानुपर्छ । जिल्लाका सम्पूर्ण निकायका कर्मचारीले अभियानलाई सफल बनाउन साथ दिनुहुन्छ ।
सरकारको अभियानलाई सफल बनाउने भन्दा आफू स्वस्थ हुने कुरालाई बुझ्न जरूरी छ । दाङसहित ६३ जिल्लामा हात्तीपाइले रोगविरूद्धको अभियान सञ्चालन भयो तर अरू जिल्ला हात्तीपाइले रोग निवारण जिल्ला घोषणा भइसकेको अवस्थामा दाङमा अझै दुई वर्षसम्म अभियान सञ्चालन गर्नुपर्ने अवस्था आएको छ ।
अन्य जिल्लाको तुलनामा दाङमा विभिन्न जिल्लाबाट नागरिक बसोबास गर्न आउने र सबै जनाले औषधि खान समस्या हुनसक्छ तर हामी सबै वर्ग नै सकारात्मक हुन सकेपछि रोग निवारण हुन्छ भनेका पनि छौँ ।
नागरिक स्वयम् आफ्नो स्वास्थ्यप्रति संवेदनशील भयो भने आफै औषधि खोजी–खोजी सेवन गर्ने वातावरण सिर्जना हुन्छ । त्यसैले बिगतमा नागरिकस्तर अर्थात् अझ भनौँ शिक्षित वर्गमा यस्तो चेतनाको विकास अझ कमी भएको हो कि भन्ने पनि छ ।
अरूलाई औषधि खानुपर्छ भन्ने चेतना दिने व्यक्तिले नै औषधि सेवन नगरेको अवस्थामा दाङलाई हात्तीपाइले रोग निवारणमुक्त जिल्ला बनाउन सकिदैन् ।
दूरदराजका बस्तीमा सञ्चार माध्यममा औषधिको उपयोगिताबारे सुनेपछि आफै खोजी–खोजी अस्पताल जानेको अवस्था छ तर शहरमा अझ त्यो पनि शिक्षित वर्गले हात्तीपाइले रोगविरूद्धको औषधि सेवनबारे गलत धारणा दिइरहेको पनि पाइन्छ ।
अरूभन्दा जटिल प्रकृतिको रोग भएका कारण समयमै औषधि सेवन गरे बच्न सकिन्छ, अभियानलाई सफल बनाउन हात्तीपाइले रोगविरूद्धको औषधि आफूले पनि खाऔँ, अरूलाई पनि खुवाउन प्रोत्साहन गरौँ । यो रोग निवारण हुनका लागि आफूले मात्र औषधि सेवन गरेर निको हुँदैन् ।
आफूसँगै परिवारलाई औषधि सेवन अभियानमा सहभागी बनाई दाङलाई हात्तीपाइले रोग निवारणमुक्त जिल्ला बनाउन अनुरोध गर्दछु ।

- Advertisement -spot_img
- Advertisement -spot_img
Stay Connected
2,454FansLike
1,200FollowersFollow
Must Read
- Advertisement -spot_img
Related News
- Advertisement -spot_img

LEAVE A REPLY

Please enter your comment!
Please enter your name here