- Advertisement -spot_img
Sunday, June 20, 2021
Homeफिचरअझै घर आएनन् लालबहादुर

अझै घर आएनन् लालबहादुर

- Advertisement -spot_img

अमिलिया, २७ मंसिर । लमही नगरपालिका–९ अमिलिया दाङका देविराम वलीका कान्छा छोरा लालबहादुर वली बेपत्ता भएको १३ वर्ष भयो ।
रोजगारीको शिलशिलामा भारतको चण्डीगढमा आफ्ना दुई दाजुहरू गंगाप्रसाद र चूर्णबहादुरसँगै बस्दै आएका लालबहादुर २०६३ मंसिर देखि बेपत्ता छन् । बेपत्ता भएको १६ वर्षसम्म पनि उनी घर नफर्किदा परिवार उनकै बाटो हेरेर बसेको छ ।
देशमा बेरोजगारी भई बस्दा दुई छोरी पवित्रा, मिना र पत्नी ईन्द्रा वलीलाई साथमा राखी चण्डीगढस्थित एक कम्पनीमा रात्रि सुरक्षा गार्डको रूपमा कार्यरत थिए ।
कम्पनीमा कार्यरत वलीले पत्नीसहित छोरीलाई घर पठाएको केही समयपछि बेपत्ता भएका थिए । बेपत्ता छोरो कहिले आउला भने आमा मनकली वलीले उनकै बाटो हेरेर दिन कटाउँदै छन् ।
‘गाडी रोकिएको आवाज सुन्ने बित्तिकै कान्छो छोरो आयो कि भनेर बाटोतिर आँखा दौडाउन थालेको वर्षौं बित्यो तर छोरा अहिलेसम्म आएन’ उनले भनिन्– ‘हेर्दाहेर्दै दिन, महिना हुँदै वर्षौँ बित्यो ।’ आर्थिक अभावका कारण विदेशिएको छोरो वेपत्ता हुँदा मनभरी भारी बोकेको वर्षिय बाबु देविराम बताउँछन् ।
‘कमाउने मुख्य मान्छे बेपत्ता हुँदा परिवार व्यवस्थापन गर्न हैरान छ’ उनले भने– ‘आफन्तहरू सबैको सहकार्यमा खोजी गर्दासमेत छोराको अवस्था थाहा हुन् सकेन ।’
भाइहरूको भारतका विभिन्न निकायमा खोजी गरिसकेको दाजु चूर्णबहादुरले बताए । ‘चण्डीगढको सबै स्थान खोजी गरिसक्यौँ तर भाइ लालबहादुरको अवस्था जान्न सकिएन’ उनले भने– ‘खोजीका लागि पहल गर्न आग्रह गर्दछु ।’ बेपत्ता श्रीमान लालबहादुरको खोजी गरिदिन पत्नी इन्द्राले पनि आग्रह गरेकी छन् ।
‘घरमा भए आधा पेट खाएर पनि निर्वाह गर्ने थियौँ’ उनले भनिन्– ‘पर्खाइमा बसेका छौँ हामी ।’ गाउँको साथीहरूको बुबाले विदेशबाट पैसा पठाउनु हुन्छ तर हाम्रो बुबा पैसा पनि नपठाउने आफू पनि घर नफर्किने छोरीहरू पवित्राले बताइन् ।

- Advertisement -spot_img
- Advertisement -spot_img
Stay Connected
2,454FansLike
1,200FollowersFollow
Must Read
- Advertisement -spot_img
Related News
- Advertisement -spot_img

LEAVE A REPLY

Please enter your comment!
Please enter your name here