बस पल्टिदा चारजना घाईते

फिचर मुख्य खबर समाज

देउखुरी, २० कार्तिक । दाङको देउखुरीमा बस पल्टिदा चारजना घाइते भएका छन् । लमही नगरपालिका–७ उचानिम्बुमा ना ५ ख ११७२ नम्बरको बस अनियन्त्रित भएर पल्टिदा २१ जना सवारमध्ये चारजना घाईते भएका हुन् ।
घाइते हुनेहरूमा बराहाताल गाउँपालिका–५ का २३ बर्षिया मिना बुढामगर, भेरी गंगा नगरपालिका–१३ बस्ने ३४ बर्षिय बलबहादुर रम्तेल, सोही नगरपालिका–९ बस्ने १७ बर्षिय सुनिल दडेल र उपदयपुर त्रियुगा नगरपालिका–७ बस्ने ३६ बर्षिय कमल तामाङ रहेका छन् ।
यसैबीच नेकपाकी सचेतक शान्ता चौधरी चढ्ने गाडी दुर्घटनामा परेको छ ।
सांसदसमेत रहेकी सचेतक चौधरीलाई घोराही–४ बसन्तपुरमा छोडेर देउखुरी जाँदै गरेका चालक मात्रै रहेको गाडी दुर्घटनामा परेको हो । बा २ झ २८७१ नम्बरको स्कारपियो गाडी घोराही–लमही सडकखण्डको कुलमोडबाट खोलामा खसेको छ । सकुशल रहेका चालक रतन चौधरीले सडकमा एक्कासी जरायो आएको र त्यसलाई जोगाउन खोज्दा गाडी अनियन्त्रित भएर खोलामा खसेको बताए ।

Leave a Reply

Your email address will not be published. Required fields are marked *