कार्यकर्ता क्रियाशील बनाउन

विचार

संघीय संचरनामा देश गएपछि राजनीतिक दलहरु पनि संघीय संरचना अनुसार आफ्ना भूमिकाहरु तय गर्न थालेका छन् । कतिले नेतृत्वनै प्रादेशिक संरचना अनुसार तोकिसकेका छन् भने कति दल तयारीमा छन् ।
दाङका तीन मुख्य दल नेपाली काँग्रेस, नेपाल कम्युनिष्ट पार्टी र राष्ट्रिय जनमोर्चाले आ–आफ्ना एजेण्डा बनाएर जागरण अभियान पनि सञ्चालन गर्दै छन् । यसै विषयमा प्रदेश टुडे दैनिकको नियमित स्तम्भ टुडे राउण्ड टेबलमा राजनीतिक दलका अगुनाहरुसँग तल्लो तहसम्म के कस्ता काम गर्दै छन् भन्ने विषयमा सोधेका छौं । 


राजु खनाल
नेता नेपाली काँग्रेस

नेपाली काँग्रेसको केन्द्रीय समितिको बैठक सर्वसहमतिबाट पास गरेर नेपालको संविधान अनुसारको पार्टी संरचना निर्माणको लागि एउटा सर्वस्वीकार्य निर्देशन जारी गरेको छ ।
जसअन्तर्गत यही भदौ २० गते प्रतिनिधि सभा, क्षेत्रीय समिति र प्रदेश समिति निर्विरोध टुङ्गो लागिसकेको छ । अब वडादेखि गाउँ, नगरहरुमा यसै निर्देशिका अनुसार कार्तिक मसान्तसम्म टुङ्गो लाग्छ ।
संघीय संरचना अनुसार सबै निर्वाचन क्षेत्रमा पार्टीका समितिका गठन गर्नुपर्ने हो । तर पार्टीको निर्वाचन क्षेत्रसम्बन्धी विधि विधान निर्माण गर्न ढिलाइ भएकाले चाँडै यो काम सम्पन्न गर्न सकेनाँै । पार्टीका शुभचिन्तकदेखि जिल्लाका नेता कार्यकर्ताहरु आत्तिरहनु भएको छ । अब चाँडै नै सबै क्षेत्रमा टुङ्गो लगाउँछौ ।
नेपाली काँग्रेसले दोस्रो चरणको जागरण अभियानले विशेषगरेर पार्टीका नेता तथा कार्यकर्ताहरु सामूहिकरुपमा परिचालन गरी संगठन विस्तार र सरकारद्वारा भएका जनविरोधी कार्यहरुको जनतासम्म पु¥याई सचेत बनाउने काम भइरहेको छ ।
पार्टीले गरेका विगतका राम्रा कामहरुलाई जनता सामु पु¥याउने, वर्तमान नेकपाको सरकारले गरेका भ्रष्टाचार बुढी गण्डकी, सुन काण्ड, वाइडबडी, मेलम्ची, बालुवाटार जग्गा प्रकरण, शान्ति सुरक्षालगायतका काम कारवाहीबारेमा जनतालाई सुसूचित गराउने अभियान हो ।
स्थानीय तहमा देखिएका भ्रष्टाचार, जनताका समस्याहरुको पहिचान गरेर स्थानीय सरकारलाई घच्घच्याउने । पार्टीका भातृ संस्था, शुभेच्छुक संस्थाहरुलाई आ–आफ्ना कार्यक्षेत्रमा परिचालन गर्ने ।
सामाजिक कार्य गर्नको लागि यो जागरण अभियान कार्यक्रमलाई अगाडि बढाउने योजना रहेको छ । नेपाल कम्युनिष्ट पार्टीले सत्ताको दुरुपयोग गरिरहेकाले पनि जागरण अभियान आवश्यक रहेको छ ।
मुलुकमा प्रजातन्त्रमाथि आक्रमण भईरहेकाले पार्टी एकता, कार्यकर्ता क्रियाशील बनाउनको लागि अभियानले सहयोग गर्नेछ । सबैतिर आक्रमक भईरहेकोे अवस्थामा पार्टीका सम्पूर्ण शक्तिहरु एक हुनु जरुरी रहेको छ ।
अहिलेको चुनौतिपूर्ण समयमा पार्टीको आफ्नो नियम कानून भएकाले त्यही अनुरुप चल्न नेपाल तरुण दल, विद्यार्थी संघ, महिला संघलगायत सम्पूर्ण भातृ संगठनहरुलाई चलायमान गराउने छ ।

Leave a Reply

Your email address will not be published. Required fields are marked *